भैरहवा पुस ४
नेपाली काँग्रेसका सिद्धार्थनगर नगर उपसभापति एवम् वडा नम्बर–७ का वडा सदस्य किरण घिमिरे लाई प्रहरीले नियन्त्रणमा लिएको छ ।
प्रहरीले बिहीबार राति घिमिरेलाई सिद्धार्थनगर नगरपालिका वडा नम्बर ७ मा रहेको उनकै घरबाट पक्राउ गरेको थियो । यस विषयमा रुपन्देही जिल्ला प्रहरी का प्रवक्ता एवम प्रहरी नायब उपरिक्षक नवरत्न पौडेल लाई जानकारी लिन खोज्दा उनले नियन्त्रणमा लिएको पुष्टि गरेपनि के आरोपमा नियन्त्रणमा लिएको हो ,सो विषयमा बताउन चाहेनन् । अहिले अनुसन्धान कै क्रममा रहेको हुँदा थप कुरा पछि मात्र बताउन मिल्ने जनाएका छन ।
स्रोतका अनुसार गृहमन्त्री बालकृष्ण खाँणका नजिकका व्यक्ति भएका कारण प्रहरीले समेत विषय लुकाउन खोजेको आरोप रहेको छ । घिमिरेलाई जबरजस्ती करणीको आरोपमा बिहीबार पक्राउ गरिएको स्रोतको दाबी रहेको छ ।