फागुन २७
– सङ्खुवासभाको उत्तरी क्षेत्र, चीनसँगको सीमावर्ती नाका किमाथाङ्काबाट एक चिनियाँ नागरिक पक्राउ परेका छन् ।
निषेधित क्षेत्रमा हिँडिरहेको अवस्थामा भोटखोला गाउँपालिका–१ किमाथाङ्कामा प्रहरीको गस्ती टोलीले छोङ जेनजियन नाम गरेका २८ वर्षीय पुरुषलाई शुक्रवार पक्राउ गरिएको जिल्ला प्रहरी कार्यालय सङ्खुवासभाका सूचना अधिकारी जीवनकुमार गौतमले जानकारी दिनुभयो ।
उनको साथमा राहदानी भेटिएको र उनीमाथि थप अनुसन्धान गर्न अध्यागमन विभाग काठमाण्डौ पठाइएको प्रहरीले जनाएको छ ।
