माघ १७
भैरहवा
छिमेकी मित्र राष्ट्र चीन को नयाँ वर्षको अवसर मा नेपाल चीन मैत्री समाज लुम्बिनी ले भैरहवा मा अन्तरक्रिया एवं शुभकामना आदान प्रदान कार्यक्रम गरेको छ ।
चीन ले अंग्रेजी वर्षको फरवरी १ तारिख लाई नयाँ वर्ष तथा राष्ट्रिय दिवस का रुपमा मनाउने गर्दछ ।
कार्यक्रम मा बोल्ने वक्ताहरुले विश्व कै बलियो अर्थतन्त्र र सबै भन्दा धेरै जनसंख्या भएको नजिकै को छिमेकी मुलुक चीन संग को सम्बन्ध अझ बलियो र जनस्तर मा विस्तार गरी नेपाल ले लाभ लिन सक्नुपर्नेमा जोड दिएका छन ।
सिद्धार्थनगर नगरपालिका की उपप्रमुख उमा काफ्ले ले लुम्बिनी र बुद्धिजम लाई छिमेकी देश चीन संग को सम्बन्धको प्राथमिकतामा राखेर चिनिया बौद्धमार्गी लाई लुम्बिनी भ्रमण मा ल्याउन सबैले भूमिका खेल्नुपर्ने बताउनु भयो ।
करिब डेढ अर्ब जनसंख्या भएको चीनमा बौद्धमार्गीको बाहुल्यता भएकाले उनी हरु लाई नेपाल मा आकर्षित गरी पर्यटन बाट लाभ लिन सकिने उप प्रमुख काफले को भनाइ रहेको थियो ।
नेपाल चीन मैत्री समाज लुम्बिनी का अध्यक्ष नारायण प्रसाद सापकोटा ले चीन नेपाल को असल र सहयोगी छिमेकी भएको उल्लेख गर्दै चिनिया राष्ट्रपति सी जिन फिङ को कुशल नेतृत्व, चिनिया जनता को मेहनत र अनुशासन तथा चीन को आर्थिक प्रगतिबाट नेपाल ले पाठ सिक्नुपर्ने बताउनु भयो ।
अध्यक्ष सापकोटा ले चिनियां नयाँ वर्ष र चीन ले आयोजना गर्न लागेको ओलम्पिक प्रतियोगिता को सफलताको शुभकामना समेत दिनु भएको छ ।
कार्यक्रम मा सिद्धार्थ साहित्य परिषद का अध्यक्ष डिल्लीराज भट्टराई, साहित्यकार विजय सागर श्रेष्ठ, समाज का महासचिव मनिष जोशी, कोषाध्यक्ष जनकराज पन्त लगायत ले चीन ले नयाँ वर्ष र राष्ट्रिय दिवसमा आफ्ना नागरिक लाई एक साता विदा दिने हुँदा सो विदाको अवधिमा चिनिया नागरिक लाई लुम्बिनी भ्रमणमा आकर्षित गर्नेतर्फ नेपाल सरकार को ध्यान जानु पर्ने सुझाव दिनु भयो 
