बैशाख १८,
भारतले आफ्नो कूटनीतिक दायरा विश्वभर फराकिलो बनाउँदै लगेको छ । एक सय २१ वटा मुलुकमा आवासीय राजदूतावास रहेको भारतले अस्ति डोमिनिकन रिपब्लिकमा पनि आफ्नो दूतावास खोलेको छ ।
दक्षिण अमेरिका र ल्याटिन अमेरिकी मुलुकको भ्रमणमा निस्कनुभएका विदेशमन्त्री एस जयशंकर र त्यहाँका उपराष्ट्रपतिले दूतावासको उद्घाटन गरेको बताइएको छ । अब भारतको १ सय २२ मुलुकमा दूतावास, एक सय १० वटा कन्सुलेट्स र आठ वटा अन्य नियोग छन् ।
अफ्रिकी र ल्याटिन अमेरिकी क्षेत्रमा भारतीय उपस्थिति बढ्दो क्रममा रहेकाले पछिल्लो दूतावास उद्घाटनलाई लिइएको भारतीय सञ्चारमाध्यमहरुले जनाएका छन् । डोमिनिकन रिपब्लिक र भारतबीच सन् १९९९ मा कूटनीतिक सम्बन्ध कायम भएको थियो ।
राजधानी सान्तो डोमिङ्गोमा भारतलगायत विश्वका ३९ वटा मुलुकका आवासीय दूतावास छन् ।
