वैशाख ४
नेपालका लागि भारतीय राजदूत नवीन श्रीवास्तवले नेपाल र भारत दुवै देशमा मानसखण्डको सूचना अभाव भएको बताएका छन् ।
नेपाल–भारत मानसखण्ड अन्तर्राष्ट्रिय सम्मेलनमा धनगढीमा बोल्दै श्रीवास्तवले यस्तो बताएका हुन् । दूतावासले केही समय अगाडि बुद्ध, रामदेखि शिव सर्किटको जानकारी पुस्तिका प्रकाशन भएको तर त्यहाँ मानसखण्ड नआएको उनको भनाई थियो ।
उनले नेपाल र भारत जोड्ने थप मोटोरेबल पुलहरू बन्न आवश्यक रहेको बताए।
‘दार्चुला र धार्चुला जोड्ने पुल उद्घाटन भएको छ, दुई वर्षभित्र बन्छ’, श्रीवास्तवले भने, ‘अरु धेरै यस्ता मोटोरेबल पुलहरू आवश्यक छन् ।’
