संयुक्त राज्य अमेरिकाले चीनले श्रीलंकाको ऋणको पुनर्संरचना गर्नुपर्नेमा जोड दिएको छ ।
असार ३१
अमेरिकी अर्थमन्त्री जेनेट येलेनले चीनले ऋणको पुनर्संरचना गरे दुबै देशको हितमा हुने बताएकी छन । अहिले श्रीलंका आर्थिक संकटमा रहेको भन्दै संकटका बेला मिनाहा हुनेगरी ऋणको पुनर्संरचना गर्नुपर्ने जेनेटले जोड दिएकी छन् ।
येलेनले २० प्रमुख अर्थतन्त्रहरूको समूहका अन्य सदस्यहरूलाई श्रीलंकालगायत ऋण संकटमा परेका देशहरूको ऋणको पुनर्संरचना गर्न लामो समयदेखि रोकिएका प्रयासहरूमा थप सहयोगी बन्न चीनलाई दबाब दिन आग्रह गरेकी छन ।
श्रीलंकाले चीनलाई कम्तिमा ५ बिलियन डलरको ऋण तिर्न बाँकी छ, यद्यपि केही अनुमानहरूले यो रकम भन्दा झन्डै दोब्बर रहेको छ । भारतले पनि ३.८ अर्ब डलर ऋण दिएको छ भने जापानले कम्तिमा ३.५ अर्ब डलर ऋणी रहेको अन्तर्राष्ट्रिय मुद्रा कोषले जनाएको छ भने अन्य धनी देश को १ अर्ब डलर बाँकी छ ।
“श्रीलंकाले त्यो ऋण तिर्न स्पष्ट रूपमा असमर्थ छ, र यो मेरो आशा छ कि चीनले ऋणको पुनर्संरचना गर्न श्रीलंकासँग काम गर्न इच्छुक हुनेछ,“ येलेनले इन्डोनेसियाको टापुमा जी २० वित्त अधिकारीहरूको बैठकपछिको पत्रकार सम्मेलनमा भनेकी छन ।
