असार २८
भारतको उत्तर प्रदेशका मुख्यमन्त्री योगी आदित्यनाथ नेपाल भ्रमणमा आउने भएका छन् ।
उत्तर प्रदेशमा दोस्रोपटक मुख्यमन्त्री बनेका योगी पशुपतिनाथ मन्दिरको दर्शन तथा राजनीतिक भेटघाटका लागि नेपाल भ्रमणमा आउन लागेको सम्बद्ध स्रोतले जानकारी दिएको छ ।
उत्तर प्रदेशको मुख्यमन्त्री बनेपछि मुख्यमन्त्री आदित्यनाथ नेपाल भ्रमणमा आएका छैनन् । उनी नेपाल सरकारको निम्तोमा नेपाल आउन लागेको बताइएको छ ।
उनी साउनको अन्तिम सातातिर काठमाडौं आउनेगरी तयारी भइरहेको छ ।
