असार ९
मुटुमा गम्भीर समस्या देखिएका १७ जना नेपाली विद्यार्थीको निःशुल्क उपचार चीनमा हुने भएको छ ।
युन्नान प्रान्तको फुवाई युन्नान अस्पताल र चिनियाँ चिकित्सा विज्ञान प्रतिष्ठानबाट आएको वरिष्ठ मुटुरोग विशेषज्ञहरुको टोलीले गरेको परीक्षणमा ती विद्यार्थीको मुटुमा समस्या देखिएको बताइएको छ ।
नेपालका लागि चिनियाँ राजदूत छन सोङले सामाजिक सञ्जालमा दिनुभएको जानकारी अनुसार यहाँ परीक्षण गरिएका चार हजार ६८२ जना विद्यार्थीको मुटुमध्ये १७ जनाकोमा गम्भीर समस्या भेटिएको छ । अब चीनमा निःशुल्क उपचार भएपछि उनीहरुले नयाँ जीवन प्राप्त गर्नेछन् ।
राजदूतले लेख्नुभएको छ, ‘मुटुरोगसँग सबन्धित परीक्षण र उपचारमा पनि दुई मुलुकबीच थप सहयोग आदान प्रदान गर्न सकिनेमा सहमत छौं ।’
