असार ७
टोकियोले आफ्नो क्षेत्र दाबी गर्ने विवादित सेन्काकु टापु नजिकै चारवटा सशस्त्र चिनियाँ तटरक्षक जहाज पानीमा प्रवेश गरेपछि जापानले शुक्रबार चीनसँग औपचारिक विरोध गरेको छ।
पूर्वी चीन सागरमा लामो समयदेखि चलिरहेको क्षेत्रीय विवादलाई बढाउँदै पहिलो पटक चारवटाचिनियाँ जहाज प्रवेश गरेका हुन्।
मुख्य क्याविनेट सचिव योशिमासा हयाशीले मिडियालाई सम्बोधन गर्दै ‘आफ्नो क्षेत्रमा अन्तर्राष्ट्रिय कानून उल्लंघन गरेर चिनियाँ तटरक्षक जहाजको घुसपैठ भएको’ बताएका छन्।
चिनियाँ तटरक्षकले पनि गस्तीको पुष्टि गर्दै ‘सम्प्रभुता र समुद्री अधिकारको रक्षाका लागि एक नियमित कारबाही बताएको छ। शुक्रबार दिउँसो प्रस्थान गर्नुअघि जहाज एक घन्टाभन्दा धेरै समयसम्म उक्त क्षेत्रमा थिए। जवाफमा जापानले कुटनीतिक च्यानलमार्फत् कडा विरोध जनाएको छ र चिनियाँ जहाजलाई तुरन्त ठाउँ छाड्न आग्रह गरेको छ।
जापानी मिडियाका रिपोर्ट अनुसार गत महिना सेन्काकु टापु वरपरको पानीमा चिनियाँ जहाजको रेकर्ड १५८ दिनपछि उपस्थिति हो। यसले दुई राष्ट्रबीचको तनाव बढाएको छ।
पूर्वी चीन सागरको अवस्थाले दक्षिण चीन सागरमा चीनको आक्रामक कार्यको सम्झना दिलाउँछ, जहाँ भियतनाम, फिलिपिन्स, मलेसिया र इन्डोनेसियासँग बारम्बार भिडन्त भइसकेको छ। चीनले विभिन्न विवादित टापुमा सैन्य प्रतिष्ठान निर्माण गरेर आफ्नो उपस्थिति विस्तार गरेको छ, जुन रणनीतिको अन्तर्राष्ट्रिय सामुदाय आलोचना गरेको छ।
अप्रिलमा जारी गरिएको जापानको वार्षिक कूटनीतिक ब्लुबुकले पूर्वी र दक्षिण चीन सागर दुवैमा बल प्रयोग गरी यथास्थितिलाई एकतर्फी रूपमा परिवर्तन गर्ने चीनको प्रयासबारे उल्लेख छ। प्रतिवेदनले जापान वरपरको सुरक्षा वातावरणलाई दोस्रो विश्वयुद्धपछिको सबैभन्दा गम्भीर र जटिलको रूपमा वर्णन गर्दै यस क्षेत्रमा चीनको सैन्य निर्माणलाई अभूतपूर्व भनेको छ।
स्थिति खुल्दै जाँदा, जापान सतर्कताका साथ सेन्काकु टापुहरूको निगरानी गर्न र शान्त दृढताका साथ चिनियाँ आक्रमणको जवाफ दिन प्रतिबद्ध छ।
