मसिर १०
नेपाल भ्रमणमा आएका भारतीय सेनाका केन्द्रीय कमान्डका लेफ्टिनेन्ट जनरल अनिंद्य सेनगुप्ताले नेपाली सेनाका प्रधानसेनापति अशोकराज सिग्देलसँग भेटवार्ता गरेका छन् ।
हिजो नेपाल आइपुगेका जनरल सेनागुप्ता आज सैनिक हेडक्वार्टर भद्रकाली गएर प्रधानसेनापतिसँग भेटवार्ता गरेका हुन् । दुई जनाको भेटघाटमा नेपाल र भारतको सुरक्षा सहयोगलाई अझ कसरी सुदृढ पार्ने विषयमा कुराकानी भएको बताइएको छ । लेफ्टिनेन्ट जनरल सेनगुप्ताको भ्रमणका दौरान हुने भेटघाट लगायतका कार्यक्रमले भारत र नेपालबिचको सैन्य सम्बन्ध तथा दुई देशको मित्रतालाई अझ सुदृढ बनाउन योगदान पु–याउने विश्वास लिएको छ ।