भैरहवा पुस ६
नेपालस्थित लुम्बिनी बौद्ध विश्वविद्यालयमा सन् २०२५ को पहिलो हिमालयन रिम फिल्म प्रदर्शनी सम्पन्न भएको छ । आठ दिनसम्म सञ्चालन भएको साँस्कृतिक आदान–प्रदान कार्यक्रममा चिनियाँ एनिमेटेड फिल्मलाई सेतुका रूपमा प्रयोग गर्दै नेपालका तीन विश्वविद्यालयमा सभ्यताबीच पारस्परिक सिकाइ र संवादलाई प्रवद्र्धन गरिएको थियो । लुम्बिनीमा सम्पन्न अन्तिम कार्यक्रमले प्रदर्शनीलाई गहिरो महत्वसहितको निष्कर्षमा पुर्याएको बताइएको छ ।प्रदर्शनीको त्रिभुवन विश्वविद्यालयमा उद्घाटन गरिएको थियो । उद्घाटन समारोहमा चर्चित फिल्मकर्मी प्रदीप खड्का, कविता शाही, बुद्धि तामाङ, केपी पाठक, विजय बराल लगायत नेपालका फिल्म तथा टेलिभिजन क्षेत्रका विशिष्ट व्यक्तित्वहरूको उपस्थिति थियो । उनीहरूले चीन–नेपालबीचको फिल्म तथा साँस्कृतिक सहकार्यलाई अझ मजबुत बनाउन यस्ता कार्यक्रम उपयोगी हुने धारणा व्यक्त गरेका थिए ।
कार्यक्रममा चिनियाँ एनिमेसन क्षेत्रका चर्चित एनिमेटेड फिचर फिल्महरू ल्भध न्यमकः थ्बलन व्ष्बल, ध्जष्तभ क्लबपभ र ीभनभलमक या ज्भष् २ प्रदर्शन गरियो । साथै ब्क्ष्न्ऋ प्रविधिमा आधारित एनिमेटेड शृंखला त्जभ क्उष्चष्त या तजभ ःयगलतबष्लक पनि प्रस्तुत गरिएको थियो । परम्परागत चिनियाँ संस्कृतिलाई आधुनिक प्रविधिसँग संयोजन गरी प्रस्तुत गरिएका यी कृतिहरूले चिनियाँ एनिमेसन उद्योगको प्रगति र सिर्जनात्मक क्षमतालाई उजागर गरेको सहभागीहरूले बताए ।
प्रदर्शनी केवल फिल्म प्रदर्शनमै सीमित नरही ‘प्रदर्शन + अन्तरक्रिया’ मोडेलमा आधारित रह्यो । प्रदर्शनअघि कृतिको पृष्ठभूमि जानकारी र प्रदर्शनपछि सिर्जनाकर्तासँग प्रत्यक्ष अनलाइन संवादको व्यवस्था गरिएको थियो । यस क्रममा नेपालका शिक्षक तथा विद्यार्थीहरूले चिनियाँ एनिमेसन निर्माण प्रक्रिया, प्रविधि र सिर्जनात्मक सोचबारे प्रत्यक्ष जानकारी लिन पाए ।सभ्यताबीच सहअस्तित्व र पारस्परिक सिकाइलाई प्रोत्साहन गर्ने उद्देश्यसहित सम्पन्न हिमालयन रिम फिल्म प्रदर्शनीले चीन–नेपाल साँस्कृतिक आदान–प्रदानका नयाँ सम्भावनाका ढोका खोल्दै भविष्यका सहकार्यका लागि बलियो आधार तयार गरेको आयोजकले जनाएका छन्।
