भैरहवा भदौ १४
नेपाली क्रिकेट टोलीका फास्ट बलर सोमपाल कामी टेन प्लास्टका ब्राण्ड एम्बेसडर नियुक्त भएका छन् । शुक्रबार एक कार्यक्रमका बिच टेन प्लाष्टका प्रवन्ध निर्देशक धिरज अग्रवालले सोमपाललाई ब्राण्ड एम्बेसडर नियुक्त गरिएको जानकारी दिए ।
कार्यक्रममा बोल्दै सोमपालले विगत दश वर्ष देखि क्रिकेट खेलिरहेको भए पनि अहिले टेन समूहमा जोडिन पाउदा आफु भावुक भएको बताए । “मैले क्रिकेट खेलेको दश बर्ष भएको छ, मेरो जर्सी नम्बर पनि दश रहेको छ ।” उनले भने “यस्तो अवश्थामा आफु टेन नामक कम्पनीको परिवार भएको छु । यसले मलाई हर्षित बनाएको छ ।”
सानै देखि भारतीय क्रिकेटर सचिन तेन्दुलकर आफ्नो आदर्श रहेको बताउदै सोमपालले देशको लागि खेलिरहने बताए ।
पश्चिमी नवलपरासीको रामग्राम नगरपालिकामा स्थापना भएको टेन प्लाष्टले उच्च स्तरिय वाटर टैंक, सिपीभिसी, पिभिसी पाईप तथा फिटिङ्ग सामाग्री उत्पादन गरिरहेको यसका प्रवन्ध निर्देशक धिरज अग्रवालले बताए । उनले नेपाली क्रिकेट खेलाडीलाई आर्थिक रुपमा सबल बनाउने आफुहरुको प्रयास स्वरुप नेपालका फास्ट बलर सोमपाल कामीलाई ब्राण्ड एम्बेसडर नियुक्त गरिएको बताए
